Almatyda jol apatynan tanymal aktrısa kóz jumdy
ASTANA. QazAqparat - Almatyda jol apatynan tanymal aktrısa Sholpan Elgezek kóz jumdy. Belgili bolǵandaı, tanymal aktrısamen birge atalmysh jol apaty saldarynan taǵy eki kisi kóz jumǵan. Bul týraly QazAqparat M.Əýezov atyndaǵy Qazaq Memlekettik akademııalyq drama teatrynyń Instagram paraqshasyna silteme jasap habarlaıdy.
«Búgin Almaty qalasynda jantúrshigerlik oqıǵa bolyp, jol apatynan 3 adam kóz jumdy. Sonyń ishinde kóptegen telejobalardan kórermenderge tanys kıno jáne teatr aktrısasy Sholpan Elgezek te bar. Mezgilsiz dúnıeden ótken aktrısanyń týǵan-týystaryna, jaqyndaryna ujym atynan qaıǵyryp, kóńil aıtamyz», - delingen teatrdyń resmı paraqshasynda.
Sonymen qatar, jaqynda ǵana QR Eńbek sińirgen qaıratkeri ataǵyn alǵan aktrısa Aızada Satybaldıeva atalmysh jol apaty saldarynan jansaqtaý bóliminde jatqany habarlanyp otyr.
