Almatyda jol apatynan mototsıklshi qaza tapty
ALMATY. QazAqparat - Almatyda Toyota RAV4 avtokóligine soǵylǵan mototsıklshi mert boldy, dep habarlaıdy QazAqparat tilshisi oqıǵa ornynan.
Kólik apaty Raıymbek pen Emtsov kósheleriniń qıylysynda bolǵan. Raıymbek boıymen shyǵys baǵytqa bet alǵan mototsıklshi tyıym salynǵan avtobýs jolaǵyna túsken. Emtsov kóshesimen ońtústikke qaraı jyljyǵan Toyota RAV 4 Raıymbek dańǵylynyń qıylysynan sol jaqqa burylǵan. Osy sátte avtokóliktiń aldyńǵy bóligine mototsıkl kelip soǵylǵan.
Qatty soqqydan mototsıkl bordıýrden ári ushyp ketip, júrgizýshisi sol jerde kóz jumdy. Aldyn ala boljam boıynsha, 1986 jyly týǵan mototsıkl júrgizýshisi bordıýrden alǵan soqqydan mert bolǵan.
