Almatyda jol apatynan moped júrgizýshisi zardap shekti
ALMATY. QazAqparat - Almatynyń Gogol-Áýezov kósheleriniń qıylysynda moped júrgizýshisi «Maksıma» kóligimen soǵylyp, aýyr jaraqattandy, dep habarlaıdy QazAqparat tilshisi.
Kýágerlerdiń aıtýynsha, moped Áýezov kóshesimen soltústik baǵytpen kele jatqan. Sodan keıin, Gogol kóshesimen shyǵys baǵytqa qaraı burylmaq bolǵan. Moped júrgizýshisi osy kezde rólge ıe bola almaı, joldyń qarsy baǵytyna shyǵyp ketedi. Osy ýaqytta Gogol kóshesiniń batys baǵytymen kele jatqan «Nıssan Maksıma» markili kóligi onymen betpe-bet soǵylady. Moped júrgizýshisi ushyp kelip, Maksımanyń aldyńǵy áınekterine soǵylyp, aıaǵyn syndyryp aldy. Ony jedel járdem kóligimen alyp ketti.
Oqıǵa boıynsha polıtseıler anyqtaý sharalaryn júrgizip jatyr.
