Almatyda jol apatynan kólikter aryqqa túsip ketti
ALMATY. QazAqparat - Almatyda jol apatynan kólikter aryqqa túsip ketip, bir jolaýshy zardap shekti, dep habarlaıdy QazAqparat tilshisi.
Jol kólik oqıǵasy Ál-Farabı dańǵylynda Remızovka aýdanyna jetpeı shyǵys baǵytta bolǵan.
Opel Vectra júrgizýshisiniń aıtýynsha, ol joldyń oń jaq shetinde kele jatqan.
Toyota Camry ortańǵy jolaqta joǵary jyldamdyqpen kele jatqan.
Ál-Farabı Hodjanov kósheleriniń qıylysynda Camry júrgizýshisi kólik tizginine ıe bola almaı, ary-beri shaıqala bastaǵan.
Sol sátte Toyota jol ortasyndaǵy baǵanǵa soǵylyp baryp Opel kóligine soǵylǵan. Soqqydan eki kólik te aryqqa túsip ketti.
Toyota ınertsııamen qozǵalyp baryp, aǵashqa soǵylyp, jol ústine qaıta shyǵyp toqtady.
Jol apatynan Opel jolaýshysy zardap shekti. Jaraqat alǵan er adam aýrýhanaǵa jetkizildi.
