Almatyda jol apatynan kólik aryqqa túsip ketti
ALMATY. QazAqparat - Almatynyń ortalyǵynda jol apaty bolyp, kóliktiń biri aryqqa túsip ketse, ekinshisi aǵashqa soǵyldy, dep habarlaıdy QazAqparat tilshisi oqıǵa ornynan.
Jol apaty Qurmanǵazy men Shagabýdınov kósheleriniń qıylysynda bolǵan. Toıota kóligi Shagabýdınov kóshesimen ońtústik baǵyttan, al «Hıýndaı» markaly kólik Qurmanǵazy kóshesimen júrip kele jatqan. Toıota kóligindegi áıel adam «jol berý» erejesin elemeı, qıylysqa shyǵyp ketip soǵylysqan. Soqqydan Toıota kóligi aryqqa túsip, «Hıýndaı» kóligi jol shetindegi aǵashqa soǵylǵan. Jol apatynan áıel adam zardap shekti.
Oqıǵanyń mán-jaıy anyqtalý ústinde.
