Almatyda jol apatynan bir áıel zardap shekti
ALMATY. QazAqparat - Abaı dańǵylynda eki avtomobıl soqtyǵysty, dep habarlaıdy QazAqparat tilshisi oqıǵa ornynan.
Jol-kólik oqıǵasy Abaı dańǵylynan batys jaq baǵytta Brýsılovskıı kóshesine jaqyn mańda bolǵan. Toyota Camry júrgizýshisiniń sózine qaraǵanda, ol Abaıdyń boıymen batys baǵytqa bara jatqan, kenetten onyń mashınasyn artynan qaqqan, qatty soqqynyń saldarynan mashına syrǵyǵan kúıi bılbordqa tirelip toqtaǵan.
Al Toyota Mark 2 júrgizýshisiniń aıtýynsha, onyń aldynda kele jatqan mashına birden toqtaǵan, bul da tejegishti basqan biraq kesh qalǵan, saldarynan Toyota Camry-ǵa odan ári qorshaýǵa soǵylǵan.
Jol apaty saldarynan bir áıel - Toyota Camry jolaýshysy zardap shekti. Mashınalar qandaı jyldamdyqpen kele jatqanyn jáne jol-kólik apatyna kim kináli ekendigin polıtsııa anyqtaıtyn bolady.
