Almatyda jol apatynan bir adam kóz jumyp, jeteýi jaraqattandy
ALMATY. QazAqparat – Almatynyń ortalyq kóshesinde iri jol apaty bolyp, saldarynan 1 adam ajal qushty, taǵy 7-eýi jaraqat aldy, dep habarlaıdy QazAqparat tilshisi.
Oqıǵa Jeltoqsan men Áıteke bı kósheleriniń qıylysynda búgin túnde boldy.
Qylmystyq is materıaldaryna sáıkes, Áıteke bı kóshesimen batysqa baǵyt alyp kele jatqan «BMW» kóliginiń júrgizýshisi «Jol ber» belgisin elemeı, Jeltoqsan kóshesimen qıylysatyn jolǵa shyǵyp ketken. Sonyń kesirinen sol jaqtan kele jatqan «Volkswagen Touareg» jáne «Renault LOGAN» kólikterimen soqtyǵysty.
Saldarynan «BMW» júrgizýshisi men onyń eki jolaýshysy jaraqat aldy. Olardyń biri aýrýhanada kóz jumdy. «Volkswagen Touareg» pen «Renault LOGAN» kóligindegi jaraqat alǵan 5 adam aýrýhanaǵa jetkizildi.
«BMW» júrgizýshisi ustaldy. Bul derek boıynsha Almaly aýdandyq polıtsııa basqarmasynda tergeý júrgizilip jatyr.
«Oqıǵa QR QK 345-babynyń 3-bóligimen sotqa deıingi tergep-tekserý reestrine tirkeldi. «BMW»-nyń 28 jastaǵy júrgizýshisi ýaqytsha ustaý ızolıatoryna qamaldy», - dedi Polıtsııa departamentiniń baspasóz qyzmetinen.
Tergeý isi barysynda sot medıtsınalyq-saraptama taǵaıyndalmaq.
