Almatyda jol apatynan bir adam kóz jumdy
ALMATY. QazAqparat - Almatyda ótken túni jantúrshigerlik jol apaty bolyp, bir adam kóz jumdy, dep habarlaıdy QazAqparat tilshisi.
Jol-kólik apaty Rysqulov dańǵylynda Saın men Sháripov kósheleriniń arasynda boldy.
Áleýmettik jelide apatqa ushyraǵan «Mercedes-Benz» kóliginiń vıdeosy paıda boldy.
Polıtsııa departamentiniń baspasóz qyzmeti málim etkendeı, «Mercedes» kóliginde otyrǵan jolaýshy oqıǵa ornynda qaza tapqan, al júrgizýshi qashyp ketken.
«Atalǵan fakti qazirgi ýaqytta Almaty qalalyq Polıtsııa departamentiniń tergeý basqarmasynyń biryńǵaı tizilimine engizildi. QRQK 345-baby, 3-bóligi (Jol erejesin buzý, adamnyń abaısyzda ólimine ákep soqtyrýy) jáne QR QK 347-baby 3-bóligi boıynsha is qozǵaldy.Tıisti medıtsınalyq saraptamalar taǵaıyndalady», - dep habarlady polıtsııadan.
