Almatyda jol apatynan bir adam qaza tapty
ALMATY. QazAqparat - Almatyda T.Rysqulov pen J.Kúderın kóshesi qıylysynda jol apaty saldarynan bir adam kóz jumdy, dep habarlaıdy QazAqparat.
Kýágerlerdiń aıtýynsha, Volkswagen Golf avtomobıli T.Rysqulov kóshesiniń boıymen shyǵysqa qaraı ketip bara jatqanda onyń artynan qatty jyldamdyqpen BMW kóligi soǵylǵan.
Golf qatty soqqydan trotýarǵa shyǵyp, 30 metrge deıin ushyp ketken. Munyń bárin janynan ótip bara jatqan júrgizýshi kórip, toqtaǵan jáne oqıǵa ornynda kóz jumǵan Volkswagen júrgizýshisine júgirip barǵan.
Al, BMW júrgizýshisi kóligin tastap, apat bolǵan jerden jaıaý qashyp ketken.
Aıta ketken jón, BMW apat bolǵan jerden 70 metr qashyqtyqta ǵana toqtaǵan. Anyqtalǵandaı, avtomobıl dóńgeleginde jazǵy shına bolǵan.
