Almatyda jol apatynan áıel adam men onyń balasy jaraqat aldy
ALMATY. QazAqparat - Almatyda jolǵa talasqan eki kólik soqtyǵysyp, anasy men balasy jaraqat aldy, dep habarlaıdy QazAqparat tilshisi.
Jol apaty Qalqaman shaǵyn aýdanyndaǵy shaǵyn Raıymbek kóshesinde bolǵan.
Mıtsýbıshı Galant Raıymbek kóshesimen batysqa baǵyt alyp kele jatqan.
Júrgizýshi shaǵyn Raıymbek kóshesine burylǵan kezde sol kóshemen kele jatqan Kıa Tserato kóligimen soqtyǵysqan.
Kólik apatynan Kıa Tserato kóligindegi anasy men balasy zardap shekti. Jaraqat alǵan adamdardy jedel járdem aýrýhanaǵa alyp ketti.
Jol apatynyń mán-jaıyn polıtsııa anyqtap jatyr
