Almatyda jol apatynan avtobýs jolaýshysy jaraqat aldy
ALMATY. QazAqparat - Almatyda jol apatynan avtobýs jolaýshysy jaraqat aldy, dep habarlaıdy QazAqparat tilshisi oqıǵa ornynan.
Jol oqıǵasy Tımırıazev pen Jandosov kósheleriniń jalǵasqan tusynda boldy.
№66 avtobýs Jandosov kóshesimen batysqa baǵyt alyp kele jatqanda 20 lınııa kóshesinen Nıssan kóligi shyǵa kelgen. Nıssan kóligi Jandosov kóshesine solǵa burylmaq bolǵan.
Aıta ketý kerek, bul jerde tek qana ońǵa burylýǵa ruqsat etilgen.Tejegishti basyp úlgermeı qalǵan avtobýs júrgizýshisi jeńil kólikti búıirden urady.
Soqqydan qoǵamdyq kóliktegi jolaýshy áıel japa shekken. Oqıǵa ornyna jetken jedel járdem áıeldi aýrýhanaǵa alyp ketti.
