Almatyda jol apatynan 2 jigit mert boldy
ALMATY. QazAqparat – Almatyda «Leksýs» pen «Hovo» júk kóliginiń soqtyǵysýynyń saldarynan eki jigit mert boldy, dep habarlaıdy QazAqparat tilshisi.
Jol apaty túnde Bostandyq aýdanynda bolǵan. Rozybakıev kóshesimen tómen qaraı kele jatqan «Leksýs» kóligi baǵdarshamnyń qyzyl túsine toqtap turǵan «Hovo» júk kóligimen soqtyǵysady.
Oqıǵanyń saldarynan 20-21 jas aralyǵyndaǵy eki jigit oqıǵa ornynda kóz jumdy.
Al kólik júrgizýshileriniń biri aýyr halde aýrýhanaǵa jetkizildi.
Qalalyq Polıtsııa deparatmentiniń habarlaýynsha, qazir QR QK 345-babynyń 4-bólimine sáıkes qylmystyq is qozǵaldy. Tergeý barysynda qajetti saraptamalar taǵaıyndalady.
Foto: «Terrıtorııa proısshestvıı»
