Almatyda jol apatyna ushyraǵan moped júrgizýshisiniń jaǵdaıy aýyr
ALMATY. QazAqparat – Almatyda ál-Farabı dańǵylynyń boıynda joǵary jyldamdyqpen kele jatyp, kólikke soqtyǵysqan moped júrgizýshisiniń jaǵdaıy aýyr, dep habarlaıdy QazAqparat tilshisi.
«Moped júrgizýshisi polıjaraqatpen ortalyq qalalyq klınıkalyq aýrýhanaǵa jetkizildi. Oǵan travmatıkalyq 2-dárejeli shok dıagnozy qoıyldy. Naýqas shuǵyl túrde jansaqtaý bólimine jatqyzyldy. Jaǵdaıy búgingi kúni turaqty jáne aýyr», - dedi Almaty qalalyq qoǵamdyq densaýlyq saqtaý basqarmasynyń baspasóz qyzmetinen.
Jantúrshigerlik jol apaty 30 shilde kúni bolǵan. Onyń vıdeosy áleýmettik jelide taraǵan edi.
