Almatyda jol apatyna qatysýshylar polıtsııa qyzmetkerlerine qarsylyq kórsetti
ALMATY. QazAqparat - Almatyda jol apatyna qatysýshylar polıtsııa qyzmetkerlerine qarsylyq kórsetti. Bul týraly búgin «QazAqparat» tilshisine Almaty q. ІІD resmı ókili Saltanat Ázirbek málimdedi.
«Búgin Almaty qalasynda Abaı dańǵylynyń soltústik jaǵynda, S. Muqanov kóshesiniń boıynda «Leksýs» jáne «Deý-Neksıa» eki jeńil avtokóligi soqtyǵysty. Oqıǵa ornyna bolǵan jáıtti tirkeý úshin ádettegideı jol-patrýldik polıtsııa qyzmetkerleri kelip jetti. Biraq, sol arada oqıǵa ornyna bir top jas azamattar kele qalyp, «Leksýs» avtokóliginiń júrgizýshisin ózderimen birge alyp ketpek boldy. Aldyn ala málimet boıynsha «Leksýstyń» júrgizýshisi mas kúıinde bolǵan. Al jańaǵy jas azamattar tipti «Leksýs» avtokóliginiń memlekettik nómirin de alyp ketpek bolǵan. Biraq, polıtsııa qyzmetkerleri buǵan jol bermedi. Al jas azamattar olarǵa belsendi túrde qarsylyq kórsetken. Artynsha, oqıǵa ornyna qosymsha jol-patrýldik polıtsııa qyzmetkerleri kelip jetip, bılik ókilderine baǵynbaǵan kúdiktilerdi ustady. Qazir Almaly aýdany ІІB tergeý toby tergeý amaldaryn júrgizip jatyr. Kúdiktilerdiń jas mólsheri - 30-35 jas. Olardyń ústinen qylmystyq is qozǵaldy. ıAǵnı, bas bostandyqtarynan aırylýy múmkin», - dedi S. Ázirbek.
Qazir jol-kólik oqıǵasynyń sebepteri anyqtalyp, tergeý amaldary júrgizilip jatyr.
