Almatyda jol apatyn jasaǵan polıtseı jumystan shyǵaryldy - QR ІІM
ASTANA. QazAqparat - Mas kúıde jol apatyn jasaǵan polıtsııa qyzmetkeri jumystan shyǵaryldy. Bul týraly QR Іshki ister mınıstriniń keńesshisi - resmı ókil Nurdildá Oraz aıtty, dep habarlaıdy QazAqparat tilshisi.
«Nissan» jáne «Hyundai» kólikteriniń jol-kólik oqıǵasy 23 aqpan kúni Almatynyń Jansúgirov kóshesi boıynda Almaty qalalyq polıtsııa departamenti JPQ patrýldik polıtsııa polki qyzmetkeriniń kinásinen oryn alǵan. Abyroı bolǵanda, apat saldarynan eshkim zardap shekken joq», - dedi ol.
Resmı ókildiń aıtýynsha, QR Ákimshilik quqyq buzýshylyq týraly kodeksiniń 608-baby 3-tarmaǵyna (júrgizýshiniń kólik quralyn alkogoldik masań kúıde basqarýy) sáıkes kináli azamat ákimshilik jaýapkershilikke tartylǵan.
«Búgingi kúni atalǵan qyzmetker polıtsııada jumys istemeıdi. Polıtsııa departamenti bastyǵynyń 23 aqpandaǵy buryǵymen ol ishki ister organdarynan shyǵaryldy», - dedi N.Oraz.
