Almatyda jol apatyn týǵyzǵan Land Cruiser júrgizýshisiniń polıtsııaǵa qatysy joq - PD
ALMATY. QazAqparat - Almaty qalalyq polıtsııa departamenti əl-Farabı dańǵylynda bolǵan jol apatyna baılanysty túsinikteme berdi, dep habarlaıdy QazAqparat tilshisi departamenttiń baspasóz qyzmetine silteme jasap.
Atalǵan is boıynsha Departament QR QK 345-babynyń 2-bólimimen Jol erejesin buzýǵa baılanysty sotqa deıingi tergeý jumystaryn bastady.
«Іs óndirisi aıasynda barlyq qajetti saraptamalar taǵaıyndaldy. Sondaı-aq, kúdikti adamdy jazaǵa tartý maqsatynda protsessýaldy is əreketter qolǵa alynyp jatyr. Jol apatynda jol talǵamaıtyn kóliktiń júrgizýshisi jaraqat aldy. Ol polıtsııa qyzmetkeri emes»,- dedi polıtsııa baspasóz qyzmeti.
Aıta ketý kerek, jol apaty ál-Farabı- Jarokov kósheleriniń qıylysynda bolǵan. Toyota Land Cruiser BMW kóligin qaǵyp ketken. Sodan keıin Land Cruiser Mazda kóligin qaǵyp toqtaǵan. Jol apatynan Land Cruiser kóliginiń júrgizýshisi túrli jaraqattarmen aýrýhanaǵa jetkizildi. Oqıǵa kýəgerlerinń aıtýynsha, Land Cruiser júrgizýshisiniń keýdesinde jaryq beretin kıim bolǵan. Al jerde baqylaý kameralarynyń tizimi men syranyń bos bótelkesi jatqan.
Foto: STV telekanalynyń "Terrıtorııa proısshestvıı" baǵdarlamasynan alyndy
