Almatyda jol apaty saldarynan 6 adam, onyń ishinde 1 bala zardap shekti
ALMATY. QazAqparat – Almatyda úsh avtokólik soǵysyp, saldarynan 6 adam, onyń ishinde 1 bala aýrýhanaǵa jatqyzyldy, dep habarlaıdy QazAqparat tilshisi.
Almatyda 30 qazan kúni saǵat 22:00 shamasynda «Toıota» markaly avtokóliktiń júrgizýshisi T. esimdi azamat Baızaq batyr kóshesimen batys baǵytta kele jatyp, jol qozǵalysy erejesiniń 8.3-tarmaǵynyń talaptaryn buzdy. Bul týraly Almaty qalasy polıtsııa departamentiniń anyqtaý basqarmasynyń bastyǵy, polıtsııa podpolkovnıgi Oljas Sháripov málimdedi.
«Toıota» júrgizýshisi Baızaq batyr men Áshimov kóshesiniń qıylysynda Áshimov kóshesimen ońtústik baǵytta kele jatqan «Lada» markaly avtokólikpen soqtyǵysady. Soqqynyń ınertsııasynan «Lada» avtokóligi «Opel» avtokóligine soǵylady. Jol apatynan 6 adam, onyń ishinde 1 bala zardap shekti. Olardyń barlyǵy aýrýhanaǵa jetkizildi»,- dedi Oljas Sháripov.
Materıal Naýryzbaı aýdandyq polıtsııa basqarmasynyń qyzmetkerlerimen óndiriske qabyldandy. Tıisti saraptamalar taǵaıyndaldy.
