Almatyda jol apaty: 23 jastaǵy jigittiń ortan jiligi synyp ketken
ALMATY. QazAqparat - Almatylyq dárigerler keshe Vokzalnaıa kóshesinde bolǵan jol apatynan japa shekken avtobýs jolaýshylarynyń jaǵdaıy týraly aıtyp berdi.
№4 qalalyq aýrýhananyń polıjaraqat bólimshesiniń meńgerýshisi Dáýren Túsipovtiń aıtýynsha, aýrýhanaǵa oqıǵa ornynan 5 adam jetkizildi.
«Keshe aýrýhanaǵa jol apatynan 5 naýqas jetkizildi. Onyń ishinde 3 adam aýrýhanaǵa jatqyzyldy. 2 adam ambýlatorııalyq emdeýge jiberildi. 2 naýqas bizdiń bólimshede em qabyldap jatyr. 1 jigit jansaqtaý bóliminde jatyr. 23 jastaǵy jigittiń ortan jiligi synyp ketken, mıy shaıqalǵan, ortan jiligi shyǵyp ketken. Oǵan alǵashqy kómek kórsetildi. Qazir synǵan asyq jiligi men shybyǵyna (sadaq súıek) shýntty fıksatsııa salyndy. Jaǵdaıy ortasha. Esin biledi. Ol naýqastyń jaǵdaıynyń aýyrlyǵy ortan jiliginiń synýy emes, qan tamyrlary, nervter zaqymdalǵan. Sondyqtan oǵan jan saqtaý bóliminde baqylaý júrgizip jatyrmyz. Aıaǵy jumys isteıtinine kóz jetkizý kerek. Jas jigittiń jazylyp ketýine 1 jyl ýaqyt ketýi múmkin», - dedi Dáýren Túsipov.
Aıta ketý kerek, jol apaty keshe Vokzalnaıa kóshesinde bolǵan edi.
Ońtústik baǵytta qozǵalǵan 104 marshrýt avtobýsy VAZ kóligine betpe-bet soǵylǵan.
Jol apatynan avtobýstyń 4 jolaýshysy jaralandy. Olardy jedel jərdem aýrýhanaǵa alyp ketti.
Al avtobýs júrgizýshisi sol jerde jantəsilim etti.
