Almatyda jol apattary 30 paıyzǵa tómendedi
ALMATY. QazAqparat - Almatyda jol apattarynyń sany 30 paıyzǵa tómendegen, dep habarlaıdy QazAqparat tilshisi.
Almaty qalasynyń ákimshilik polıtsııasy habarlaǵandaı, jyl basynan beri qalada 2 myń 930 jol apaty bolǵan, bul ótken jylmen salystyrǵanda 30,1%-ǵa az.
«Osy apattardyń saldarynan 76 adam qaıtys bolǵan, budan basqa 3 myń 427 adam jaraqat alǵan. Barlyǵy 235 myń 313 jol erejesin buzýshy ákimshilik jaýapqa tartyldy, onyń ishinde 24 myń 040-y júrgizýshi. 1 myń 525 júrgizýshi mas kúıinde kólik júrgizgen. Sot 1 myń 923 adamdy kólik basqarý quqyǵynan aıyrdy. 1 myń 38 avtokólik júrgizýshisine qatysty ákimshilik qamaý sharasy qoldanyldy. Búgingi tańda jol qozǵalysy erejelerin buzýdyń tejegishi jáne aldyn alý faktorlarynyń biri – «Jol qaýipsizdigi» avtomattandyrylǵan aqparattyq júıesi bolyp tabylady. Onyń kómegimen 1 mıllıon 270 myń 361 quqyq buzýshylyq tirkeldi», – dedi Almaty qalalyq PD Ákimshilik polıtsııa basqarmasynyń bastyǵy Jandos Muratalıev.
Almatyda jalpy 542 myń 744 birlik avtokólik quraly tirkelgen.
