Almatyda jol aqysy 150 teńgege óskeli «Ońaıdyń» tabysy artty
ALMATY. QazAqparat - «Almaty kólik holdıngi» JShS saralanǵan tarıf engizilgeli beri qoǵamdyq kólikterde «Ońaı» kartasy arqyly jasalatyn tranzaktsııalar eki esege artqanyn málimdedi, dep habarlaıdy QazAqparat tilshisi.
Eske salsaq, 1 tamyzdan bastap Almatynyń qoǵamdyq kólikterine saralanǵan tarıf engizildi. «Ońaı» kartasyn qoldanýshylar 80 teńge tólese, qolma-qol esep aıyrysý 150 teńgeni quraıdy. Bul rette, «Ońaı» kartasy arqyly barlyq jeńildikter saqtalǵan.
Saralanǵan tarıf engizilgen eki aptanyń ishinde «Ońaı» kartasy arqyly 7 584 651 tranzaktsııa jasalǵan. Bul saralanǵan tarıf engizilgenge deıingi 18-31 shildedegi kórsetkishpen salystyrǵanda eki esege (3 466 599 tranzaktsııa) artyq. Sondaı-aq 1 tamyzdan beri qolma-qol esep aıyrysý tórt esege azaıǵan - 2 134 371 tranzaktsııadan 477 376-ǵa.
«1-14 tamyz aralyǵynda Almaty avtoparkteriniń túsimi 524 487 940 teńgege jetip, eki apta burynǵy tabystan asyp tústi, shildeniń sońǵy eki aptasynda (saralanǵan tarıf engizilgenge deıin) túsim 314 249 570 teńge bolǵan. Tamyzdyń alǵashqy aptasymen salystyrǵanda «Ońaı» arqyly jasalǵan tranzaktsııalar 9 paıyzǵa artyp, 518 568 myńnan 564 984-ke ósken. Qolma-qol tóleý 307 275 tranzaktsııadan 170 101-ge azaıdy», dep habarlady holdıngtiń baspasóz qyzmetinen.
