Almatyda joq páterlerdi «jalǵa berýmen» aınalysqan eki alaıaq áıel ustaldy
Almaty qalalyq polıtsııa departamentiniń málimetinshe, 24 jáne 27 jastaǵy alaıaq áıelder Pavlodar qalasynda turady. Olar Almatyda joq páterlerdi jalǵa bergen.
«Anyqtalǵandaı, olar ınternette páterdi jalǵa berý týraly jalǵan habarlandyrýlardy ornalastyrǵan. Jaldaý aqysyn tómen qylyp, basqa adamdardyń jarnamasynan sýretterdi qoıǵan. Klıenttermen kelissózderdi tek telefon arqyly júrgizgen jáne aldyn ala tólemdi balansqa aýdarýdy usynǵan. Zardap shekkender aqsha jibergen kezde áıelder birden jarnamany alyp tastap, uıaly telefondaryn óshirip otyrǵan», – deıdi Almaty qalalyq PD Krımınaldyq polıtsııa basqarmasynyń bastyǵy Qýatbek Naýatov.
Ustalǵandarǵa qatysty QK-niń 190-baby (Alaıaqtyq) boıynsha sotqa deıingi tergeý júrgizilýde.
«Qazirgi ýaqytta birneshe zardap shekken adam anyqtaldy. Alaıda olardyń sany áldeqaıda kóp bolýy múmkin. Aıtpaqshy, buryn eki áıeldiń de sottylyǵy bolǵan»,- dedi polıtsııa ókili.
14:06