Almatyda joq páterdi jalǵa berýshi alaıaq ustaldy

ALMATY. QazAqparat - Almatyda joq páterlerdi jalǵa bergen pavlodarlyq alaıaq ustaldy, dep habarlaıdy QazAqparat tilshisi.

Almaty qalasy PD Krımınaldyq polıtsııa basqarmasynyń bastyǵy Qýatbek Naýatovtyń málimetinshe, alaıaq 1989 jyly týǵan, Pavlodar oblysynyń týmasy S.esimdi azamatsha bolyp shyqty.

«Ol buryn aqparattyq tehnologııalar salasyndaǵy alaıaqtyq úshin sottalǵan. Ustalǵan adam tanymal saıtty paıdalanyp, páter jaldaý týraly jalǵan habarlandyrýlar jarııalaıdy. Jaldaý baǵasyn tómen qylyp kórsetip, basqa jarnamalardan alǵan páterlerdiń sýretterin ornalastyrady. Klıenttermen telefon arqyly kelissózder júrgizip, olardy ózine sendirip, aldyn ala tólemdi teńgerimge aýdarýdy usynady. Jábirlenýshiler aqshany aýdarǵan soń, alaıaq dereý jarnamany alyp tastap, uıaly telefondy óshirip tastaǵan, – dedi ol. Kúdiktige qatysty QR QK-niń 190 baby (Alaıaqtyq) boıynsha sotqa deıingi tergeý bastaldy. Qazirdiń ózinde birneshe jábirlenýshi anyqtaldy. Azamatshanyń buryn jasalǵan osyndaı qylmystarǵa qatysy bar-joǵy tekseriledi. Qazir ol ýaqytsha ustaý ızolıatoryna qamaldy.