Almatyda joǵary tehnologııalar arqyly 275 mıllıon teńge urlaǵan boıjetken men bozbala ustaldy
ASTANA. Maýsymnyń 9-y. QazAqparat /Aıdar Ospanalıev/ -Almatyda 24 jasar boıjetken men 26 jasar azamat jaýapkershiligi shekteýli seriktestikterdiń biriniń aqsha aýdarýǵa arnalǵan elektrondy, sandyq qoltańbasynyń faılyn urlap, ózderiniń esepterine 275 mıllıon teńge aýdaryp alǵan,
dep habarlaıdy QazAqparat.
Іshki ister mınıstrliginiń málimetterine qaraǵanda, aǵymdaǵy jyldyń sáýir aıynda jaýapkershiligi shekteýli seriktestikke klıent retinde kelgen qyz qaǵazdarynyń kóshirmesin jasap alaıyn degen jeleýmen flesh-kartanyń kómegimen seriktestiktiń kompıýterine vırýs engizip ketken. Budan soń olar vırýsy bar kompıýterdiń álsizdigin paıdalana otyryp, seriktestiktiń kompıýterdegi qyzmet jelisine kirip, ózderiniń jymysqy áreketterin júzege asyrǵan. Qazirgi tańda osy áreket boıynsha qylmystyq is qozǵaldy.
