Almatyda joǵary oqý oryndarynyń oqytýshylary arasynda spartakıada bastaldy
ALMATY. QazAqparat - Búgin Almatyda qalanyń joǵary oqý oryndary dene shynyqtyrý jáne sport kafedralary oqytýshylarynyń arasynda «Olımpıada-2022» spartakıadasy bastaldy. Olar sporttyń ádettegiden tys túri - boýlıngten saıysqa tústi, oǵan qatysýshylar óz sheberligimen qatar komandalyq rýhty kórsete bilýi tıis.
Uıymdastyrýshylar - qalalyq jastar saıasaty basqarmasy ókilderiniń atap ótýinshe, spartakıada qysqy Ýnıversıada-2017 men Almatynyń 2022 jylǵy bolatyn XXIV qysqy Olımpıada ótkizýge ótinimin qoldaý sharalary aýqymynda ótkizilýde.
Baǵdarlamada sondaı-aq ústel tennısi, mını-fýtbol, darts jáne arqan tartý jarystary da bar. Bul sport túrleri boıynsha jarystar Ál-Farabı atyndaǵy QazUÝ sport kesheninde ótedi. Spartakıada 19 qarashada aıaqtalady.
Bul - Almaty úshin jańa joba, ol salaýatty ómir saltyn qalyptastyrýdyń mańyzdy quraly retinde buqaralyq dene shynyqtyrý men sportty damytýǵa, sondaı-aq joǵary oqý oryndary arasynda dostyq sporttyq baılanystardy nyǵaıtýy tıis.
