Almatyda Joǵarǵy lıganyń «B» tobyndaǵy áıelder komandalary arasyndaǵy el chempıonatynyń 4-týry ótip jatyr
ALMATY. 19 naýryz. QazAqparat - Almatyda voleıboldan Joǵarǵy lıganyń «B» tobyndaǵy áıelder komandalary arasynda HH Qazaqstan chempıonatynyń 4-týrynda alǵashqy eki kúnniń «QazEÝ», «Astana 2» jáne «Shyǵys-QorǵasynQurylys 2» komandalary
jeńilissiz kele jatyr. Almatynyń «QazEÝ» komandasy ózderiniń jerlesteri «TsSKA-VKS» voleıbolshylaryn 3:1, al shymkenttikterdi («Qazyǵurt») 3:0 esebimen utty. Astanalyqtar Shymkent pen Taldyqorǵan («Jetisý 2»), al óskemendikter («Shyǵys-QorǵasynQurylys 2») «Jetisý 2» men «TsSKA-VKS» komandalaryn oısyrata (3:0) utty. Búgin «TsSKA-VKS» pen «Jetisý 2», «Qazyǵurt» pen «Shyǵys-QorǵasynQurylys 2», «Astana 2» men «QazEÝ» ózara kezdesedi. 16 naýryzda bastalǵan bul báseke 22-naýryz kúni aıaqtalady.
