Almatyda joǵalyp ketken toǵyz jasar balany 250 adam izdestirip jatyr
ALMATY. QazAqparat – Almatyda joǵalyp ketken toǵyz jasar balany 250 adam izdestirip jatyr, dep habarlaıdy QazAqparat tilshisi.
«Jedel-izdestirý is-sharalarynyń aralyq nátıjeleri boıynsha Mesýttyń úıinen shyǵyp, ájesi jumys isteıtin №33 mektepke barǵany anyqtaldy. Beınebaqylaý kameralary balanyń Qaldaıakov kóshesimen ońtústik baǵytta kele jatqanyn kórsetti. Onyń úıi jeke sektorda, taýǵa jaqyn, Keńsaı zıratynyń artynda ornalasqan. Birinshiden, osy baǵytta izdestirý uıymdastyrylady. Oǵan kınolog, Ulttyq ulannyń 100 jaýyngeri, jedel áreket etý bóliminiń 20 qyzmetkeri, ıývenaldy polıtsııanyń 50 ınspektory jáne aýdandyq deńgeıdegi ýchaskelik polıtsııa ınspektory, qalalyq krımınaldyq polıtsııanyń 40 jedel ýákili, Mesýt oqıtyn mektepten 20 erikti jáne 5 muǵalim tartyldy. Sonymen qatar, qaraýsyz qalǵan ǵımarattardy mobıldi toptar tekserip jatyr. Azamattardan qońyraý shalyp jatyr, biz habarlamanyń árqaısysyn tekseremiz. Іzdeý oń nátıje beredi degen úmittemiz. Biz balany aman-saý tapqymyz keledi», - dedi qalalyq polıtsııa departamenti basqarmasynyń bastyǵy Erkin Іńkárov.
Eske salaıyq, Mesýt Myrzaqulov keshe túski saǵat 1-ler shamasynda Medeý aýdanynda ornalasqan úıinen shyǵyp ketip, qaıtyp oralmaǵan.
