Almatyda joǵalyp ketken oqýshy qyz tabyldy
ALMATY. QazAqparat - Almatyda týystary 5 kún boıy izdep júrgen 9-synyp oqýshysy Araılym Jumataeva tabyldy, dep habarlaıdy QazAqparat tilshisi.
Qalalyq ІІD baspasóz qyzmetiniń habarlaýynsha, Araılym qaladaǵy saýda úılerin aralap júrgen jerinen tabylǵan.
«Qazir 15 jastaǵy oqýshy Bostandyq aýdandyq ІІB-ge jetkizildi. Basqarmaǵa Araılymnyń zańdy ókilderi de jetti. Oqýshynyń osy ýaqytqa deıin qaıda bolǵany anyqtalyp jatyr», - dedi qalalyq ІІD resmı ókili Saltanat Ázirbek.
Eske sala keteıik, Araılym Jumataeva 7-sáýirde joǵalyp ketip, úıine oralmaǵan. 9-synyp oqýshysy qurbylarymen saýda-oıyn saýyq ortalyǵyna qydyrýǵa barǵan. Qaıtar ýaqytta qurbylaryn úılerine shyǵaryp salǵan Araılym úıine kelmegen.
Munyń aldynda habarlaǵanymyzdaı, boıjetkenniń 8- 9 sáýirge qaraǵan túni saýda oıyn saýyq ortalyǵynda júrgeni beınekameralarǵa túsip qalǵan.
