Almatyda joǵalyp ketken «Qyzylorda arýy» tabyldy
ALMATY. QazAqparat - Almatyda izdeý jarııalanǵan «Qazaqstan arýy-2019» baıqaýynyń fınalısti aman-esen tabyldy, dep habarlaıdy QazAqparat tilshisi.
Almaty qalalyq Polıtsııa departamentiniń habarlaýynsha, joǵalǵan boıjetken tabyldy.
«Belgili bolǵanyndaı, arý osydan bir kún buryn eshkimdi eskertpesten Taraz qalasyna ketip qalǵan. Ol baılanysqa shyqty. Aman-esen», - dep habarlady departamentten.
Eske salaıyq, onyń joǵalyp ketkeni týraly aqparat áleýmettik jelide taraǵan bolatyn.
Keshe keshkisin Alataý aýdandyq polıtsııa basqarmasyna joǵalyp ketken qyzdyń qurbysynan aryz tústi.
Aıta keteıik, Gúlnur Nurtaza «Qyzylorda arýy-2017» baıqaýynyń jeńimpazy.
Qazirgi ýaqytta Almatyda jumys isteıdi.
