Almatyda joǵalyp ketken qyzdyń denesi ózen boıynan tabyldy
ALMATY. QazAqparat - Almatyda eki kún buryn joǵalyp ketken Vıktorııa Soldatovanyń denesi taýdaǵy ózen boıynan tabyldy, dep habarlaıdy QazAqparat tilshisi.
Almaty qalalyq Polıtsııa departamentiniń málimetinshe, 18 qyrkúıek kúni Áýezov aýdandyq polıtsııa basqarmasyna jergilikti turǵynnan 1988 jyly týǵan ápkesi V.V.Soldatovanyń joǵalyp ketkendigi týraly aryz túsken.
«Aryzdanýshynyń aıtýynsha, 17 qyrkúıek kúni saǵat 10:00 shamasynda V.V.Soldatova úıden shyǵyp ketip, qaıta oralmaǵan. Sonymen qatar, sińilisiniń sózinshe, ápkesi óziniń jigitine taýǵa baratynyn aıtqan, sálden soń jigitke ózin órmekshi shaǵyp alǵany týraly jazǵan»,- dep habarlady vedomstvodan.
Іzdestirý is-sharalary barysynda taýly aımaqta ózen boıynan V.V.Soldatovanyń denesi tabyldy. Máıitte zorlyq-zombylyq belgileri joq.
«Ólimniń sebebin anyqtaý úshin sot-medıtsınalyq saraptama taǵaıyndaldy. Tergeý barysy Іshki ister mınıstrligi men Almaty qalalyq Polıtsııa departamenti basshylyǵynyń baqylaýynda»,- dep atap ótti polıtsııadan.
Almaty polıtsııasy jalǵan aqparat taratpaýǵa shaqyrady jáne QR QK-niń 274-babyna sáıkes jaýapkershilik týraly eskertedi.
