Almatyda joǵalyp ketken eki balanyń anasy Reseıde aýrýhanadan tabyldy
ALMATY. QazAqparat - Almatyda joǵalyp ketken eki balanyń anasy Reseıde aýrýhanadan tabyldy, dep habarlaıdy QazAqparat tilshisi.
Bul týraly «Qoǵamdyq qaýipsizdik qyzmeti» eriktiler uıymynyń jetekshisi Islam Ýgýshev habarlady.
«Olga Gorodetskaıa tiri. Ol Reseı terrıtorııasynda Máskeý qalasynda aýrýhanada jatyr. Bizdiń uıym Olganyń jaqyndarymen jáne Qazaqstan konsýldyǵymen birige otyryp kelinshekti Qazaqstanǵa qaıtarýǵa baryn salyp jatyr», - dedi ol Feısbýktegi paraqshasynda.
Aıta ketý kerek, Olga Gorodetskaıa 4 qazanda jumysqa ketken. Sol kúni keshke 19:00-de baılanysqa shyqqan. Sonymen qatar qaladaǵy kameralar arqyly Olga Seıfýllın Mámetova kósheleri qıylysyndaǵy Mega saýda úıine aralaǵany belgili boldy. Saýda ornynan shyqqan soń kelinshek Baıtursynov kóshesine qaraı baǵyt alǵan. Sodan úıine oralmaǵan.
Kelinshektiń artynda 5 jáne 3 jastaǵy búldirshinderi qalǵan.
