Almatyda joǵalyp ketken 22 jastaǵy stýdent esin bilmegen
ALMATY. QazAqparat - Joǵalyp ketken 22 jastaǵy stýdent esin bilmegen. Bul týraly QazAqparat tilshisine jas jigittiń aǵasy Birjan Saǵymbekov aıtty.
Onyń aıtýynsha, Arman qazir úlken stress alǵanyna baılanysty emdelip jatyr.
«Bala áli ózine ne bolǵanyn aıta almaı otyr. Dıplomǵa baılanysty ma bilmedim, áıteýir úlken stress alǵan sııaqty. Otbasymen birge Taldyqorǵanda. Túrli analızder tapsyryp, emdelip jatyr. Psıhologtardyń kómegine júginip jatyrmyz», - dedi B.Saǵymbekov.
Birjannyń sózine qaraǵanda, ony polıtsııa qyzmetkerleri Shymkent qalasynan taýyp alǵan.
«Sol kezde-aq, bala esin bilmegen. Tek óziniń esimi men qaı jaqtan ekendigin ǵana aıtqan. Sodan polıtsııa Taldyqorǵannyń izdeý bazasynan qaraǵan, joq bolǵan soń Almatyny qaraǵan. Al, ony qandaı maqsatta kimder ustap otyrdy, ol jaǵyn polıtsııa anyqtaı jatar. Ázirge bala eshteńe aıta almaıdy», - dedi aǵasy.
Aıta ketý kerek, 6 maýsymda 22 jastaǵy almatylyq stýdent joǵalyp ketken bolatyn. Arman Nurjanuly 1-2 kúnde dıplom qorǵaıyn dep otyrǵan edi.
