Almatyda joǵalyp ketken 2 týrıst taýdan tabyldy

ALMATY. QazAqparat - Almatyda Respýblıkalyq jedel qutqarý jasaǵynyń qyzmetkerleri taýda adasyp ketken eki týrısti qutqardy, dep habarlaıdy QazAqparat tilshisi.

QR TJM respýblıkalyq jedel-qutqarý jasaǵynyń baspasóz qyzmetiniń málimetine sáıkes, 2 mamyr kúni keshke, jedel-qutqarý jasaǵynyń kezekshi bólimine Úlken Almaty shyńy aýdanynda joǵalyp ketken eki jas jigit týraly habarlama kelip tústi.

«Zardap shekkenderge kómekke RJQJ qutqarýshylarynyń jedel toby jolǵa shyqty. Jedel top avtokólikpen kosmostantsııaǵa jetip, ári qaraı teńiz deńgeıinen 3600 metr bıiktiktegi shyńǵa jaıaý júrip shyqty. Іzdestirý-qutqarý jumystarynyń nátıjesinde, zardap shekkender shyńnyń qarama-qarsy batys jaǵynda, Prohodnaıa ózeniniń shatqalynnan tabyldy. Alaıda shyńnyń ekinshi jaǵynda turǵan RJQJ qutqarýshylarynyń avtokólikterine jetý úshin, qaıtadan shyńǵa kóterilý qajet boldy. Ol shyńdardan ótýge zardap shegýshilerdiń kúshi bolmady, sol sebepti qutqarý bólimshesiniń komandıri ózen shatqaly arqyly túsýge sheshim qabyldady» «,– delingen habarlamada.

Qarańǵy túsip, aýa raıy buzylyp, jańbyr jaýǵandyqtan RJQJ qutqarýshylary týrıstermen birge taýda túnedi.

Qutqarýshylar tań atysymen zardap shekkenderdi tómenge túsirip, shekara qyzmetine tapsyrdy.