Almatyda joǵalyp ketken 2 týrıst taýdan tabyldy
ALMATY. QazAqparat - Almatyda Respýblıkalyq jedel qutqarý jasaǵynyń qyzmetkerleri taýda adasyp ketken eki týrısti qutqardy, dep habarlaıdy QazAqparat tilshisi.
22 jastaǵy jigit pen 15 jastaǵy jasóspirim Býtakov shatqaly arqyly joǵary shyǵyp, qaıtar joldan adasyp qalǵan.
Keshki 20:00 shamasynda týrısterdiń biri jedel qutqarý jasaǵynyń kezekshiligine habarlasqan.
Qutqarýshylar jasaǵy kóp uzamaı oqıǵa ornyna attandy.
Nátıjesinde 2 saǵat ishinde adasqan jastar tabylyp, qalaǵa deıin jetkizildi.
Sonymen qatar, qutqarýshylar Shymbulaq kýrortynan shyǵyp adasyp ketken qyz ben jigitti taýyp alyp, qalaǵa jetkizdi.
QR ІІM TJD resmı ókili Rýslan Imanqulov taýǵa shyqqanda qaýipsizdik sharalaryn qatań saqtaýdy eskertedi.
