Almatyda joǵalyp ketken 13 jastaǵy qyz saıajaıdan tabyldy
ALMATY. QazAqparat - Almatyda 18 tamyz kúni joǵalyp ketken 7-synyp oqýshysy Karına Drozdova ama-esen tabyldy. Bul týraly qyzdy izdeýmen aınalysqan eriktiler tobynyń jetekshisi Islam Ýgýshev Feısbýk áleýmettik jelisindegi jeke paraqshasynda jazdy, dep habarlaıdy QazAqparat tilshisi.
«Karına tabyldy, aman-esen ata-anasyna tapsyryldy», - dep jazdy ol qyzben birge túsken sýretin jarııalaı otyryp.
Keıin anyqtalǵandaı, qyz naǵashy ájesimen renjisip úıden ketip qalǵan, anasy bul ýaqytta Túrkııada bolǵan.
Karınanyń anasy Tatıana Mýremtseva Feısbýk áleýmettik jelisi arqyly barlyǵyna alǵys aıtty.
«Karına tabyldy, ony izdegen kúnderimiz meniń ómirimdegi eń aýyr sát bolyp qalady. Ony Aqshı saıajaılar massıvinen kórgender habarlady. Іzdep baryp, taptyq. Ol: «Jetimmin, meni úıden qýyp jibergen, qonatyn jerim joq» degesin qaıyrymdy jandar úıine qondyrǵan. Ol qazir úıde», - dep jazdy onyń anasy.
Aıta keteıik, buǵan deıin 18 tamyz kúni úıinen shyǵyp ketip qaıtyp oralmaǵan 7-synyp oqýshysy Karına Drozdovaǵa izdeý jarııalanǵany týraly habarlaǵan bolatynbyz . Karına Drozdova 2004 jyly 27 mamyrda dúnıege kelgen.
