Almatyda joǵalyp, Aqtóbeden tabylǵan jigitte dene zaqymy joq - ІІD
TALDYQORǴAN. QazAqparat - Іz-túzsiz joǵalyp, keıin Aqtóbeden tabylǵan Almaty oblysynyń turǵyny Temirhan Iman-Zuppardyń denesinen zorlyq-zombylyq belgileri tabylmady. Bul týraly Almaty oblystyq ІІD-niń baspasóz qyzmetinen málim etti, dep habarlaıdy QazAqpara tilshisi.
«Keshe keshkisin Temirhan jaqyndarymen birge Aqtóbeden Almatyǵa ushaqpen jetti. Qazir ol óz úıinde. Temirhanda aıtarlyqtaı dene zaqymy baıqalmady. Jaqyn kúnderi jigittiń ózinen bolǵan jaıtty suraımyz jáne onyń joǵalyp ketýine ne túrtki bolǵanyn anyqtaýǵa tyrysamyz», - dedi oblystyń polıtseıleri.
Esterińizge sala keteıik, 6 aqpan kúni Qarasaı aýdanyndaǵy Shamalǵan aýylynyń 1994 jylǵy turǵyny joǵalyp ketkenin habarlaǵan bolatynbyz. Ol araǵa 8 kún salyp Aqtóbe qalasynan tabyldy. Jigittiń ápkesi Baıan Seıitovanyń aıtýynsha, Temirhan Iman-Zuppar esinen aıyrylyp qalǵan,
«Aqtóbege qalaı kelgenin bilmeıdi. Biraq áıteýir anamyzdyń telefony esinde eken. Soǵan qońyraý shalypty. «Mama, men jumysqa bara jatyr edim ǵoı» depti. Esinde múlde eshteńe joq», - dedi Baıan Seıitova.
