Almatyda joǵalǵan jasóspirim qyzben tanysýǵa Jambyl oblysyna ketken
TALDYQORǴAN.QazAqparat - Almaty oblysynda 21 jáne 28 aqpanda joǵalǵan jasóspirimder tabyldy. Іz-túzsiz ketken eki bala da Іle aýdanynyń turǵyndary, dep habarlaıdy QazAqparat tilshisi.
«Eki jasóspirim bir aýdannyń turǵyndary bolǵanymen, bir-birin tanymaıdy. Ekeýi de Almaty qalasyndaǵy kolledjderdiń birinde oqıdy. Іzdeý barysynda bireýi kompıýterlik klýbtan tabyldy. Osy ýaqyt aralyǵynda ol dostarynyń úıin kezekpen panalap júrgeni anyqtaldy. Al ekinshisi Jambyl oblysynan tabyldy. Ol áleýmettik jelide tanysqan qyzben kezdesý úshin sol oblysqa ketip qalǵan», dep málim etti oblystyń ІІD baspasóz qyzmeti.
Tabylǵan balalar din-aman jáne qazirgi tańda ata-anasymen birge. Al olardyń sebepsiz úıden qashyp ketkenine baılanysty ákimshilik is qozǵalyp, sotqa jóneltiletin bolady dep tolyqtyrdy polıtseıler.
