Almatyda joǵalǵan óner týyndysy «Tselınnyı» kınoteatrynan tabyldy
ALMATY. QazAqparat - Almatyda burynǵy «Tselınnyı» kınoteatrynda belgili sýretshi Evgenıı Sıdorkınniń joǵalǵan sgraffıtosy tabyldy, dep habarlaıdy QazAqparat tilshisi.
«Tselınnyı» kınoteatrynda birinshi sharaǵa daıyndyq kezinde gıpsokarton qabatynyń astynan naǵyz qundy jádiger tabyldy. Bul keńes sýretshisi, QazSSR eńbegi sińgen qaıratkeri Evgenıı Sıdorkınniń eńbegi. 1960 jyldardyń basynda ol «Tselınnyı» foıesi úshin kópqabatty úlken kompozıtsııa jasaǵan bolatyn», - dep jazdy Facebook paraqshasynda «Tselınnyı» zamanýı óner ortalyǵy.
2000 jyldary kúrdeli jóndeý kezinde sýret tabylmaǵan soń kópshilik joǵalyp ketti dep júrgen bolatyn.
Sondyqtan, bul týyndynyń kóshirmesi jasalyp, ǵımarattyń ońtústik qasbetinde ornalastyrylǵan bolatyn.
Týyndynyń túpnusqasyn endi 14-qyrkúıekten bastap óner ortalyǵynyń ǵımaratynan kórýge bolady.
