Almatyda joǵalǵan qyzdy izdestirýge 50 polıtsııa qyzmetkeri jumyldyryldy
ALMATY. QazAqparat – Almatyda taýda joǵalǵan týrıst qyzdy izdestirýmen endi polıtsııa aınalysyp jatyr. Іzdestirý jumystaryna 50 polıtsııa qyzmetkeri jumyldyryldy, dep habarlaıdy QazAqparat tilshisi.
26 jastaǵy Panarǵalıeva Áseldi izdestirý týraly is Bostandyq aýdandyq polıtsııa basqarmasynda qozǵaldy.
«Qyzdyń týystary polıtsııaǵa habarlasqan ýaqytta birden is qozǵaldy. Dereý jedel tergeý toby quryldy. Іzdestirý jumystaryna 50 polıtsııa qyzmetkeri tartyldy. Joǵalǵan qyz qalada bolýy múmkin. Endi izdeý sharalary qalanyń ishine aýystyryldy. Taýly aımaqta izdestirý sharalaryn QR ІІM TJK Respýblıkalyq jedel qutqarý jasaǵy júrgizgen bolatyn», - dedi Bostandyq aýdandyq polıtsııa basqarmasynyń basshysy Dáýren Ótebaev.
Qazir quqyq qorǵaý organdary qyzdyń aralasatyn ortasyn tekserip jatyr.
9 qarashada 13:00 shamasynda Ásel Panarǵalıeva Úlken Almaty kólinde túsken fotosyn áleýmettik jelige qoıǵan. Odan keıin baılanysqa shyqpaǵan.
Habarlamadan soń qutqarý jasaǵy aýa raıynyń qolaısyzdyǵyna, túk kórinbeıtin qarańǵylyqqa qaramastan túnimen taýdan izdestirip shyqty.
Іzdestirý sharalaryna, sonymen qatar, 11 adamnan turatyn kınologııalyq quram jumyldyryldy.
Búgin Respýblıkalyq jedel qutqarý jasaǵy taýdaǵy izdestirý jumystaryn toqtatty.
