Almatyda joǵalǵan kópbalaly ana tabyldy
ALMATY. QazAqparat – Almaty polıtsııasy joǵalyp ketken kópbalaly anany tapty, dep habarlaıdy qazAqparat tilshisi.
Alataý aýdandyq polıtsııa basqarmasynyń málimetinshe, 35 jastaǵy áıel qurbysynyń úıinen, Almaty oblysy, Qarasaı aýdany, Kóksaı aýylynda tabyldy.
«Áıel mas bolǵan. Jeti balasy týraly oılamaǵan sııaqty. Bes kún boıy otbasyna nege qońyraý shalmady degen suraqqa telefony synyp qalǵanyn aıtyp aqtaldy. Bul sebep emes, jaýapsyz adamnyń qylyǵy. Bes kún boıy polıtsııa bolyp, qoǵam bolyp áıeldi izdestirgen bolatyn», – dedi Almaty qalalyq polıtsııa departamentiniń resmı ókili Saltanat Ázirbek.
