Almatyda joǵalǵan 4 jasar bala tabyldy
Almaty qalalyq Polıtsııa departamentinen málim etkendeı, keshe saǵat 19:15-te polıtsııaǵa 4 jasar Ámir atty balanyń joǵalǵany týraly habarlama túsken. Sábıdiń ákesiniń aıtýynsha, ol býtıktiń ishinde bolǵan kezde ulyn kózden tasa etken. Óz betinshe izdestirý jumystary nátıje bermegen soń polıtsııaǵa júgingen.
Sábıdi izdestirýge patrýldik polıtsııa, ýchaskelik ınspektorlar, krımınaldyq jáne ıývenaldy polıtsııa qyzmetkerleri jumyldyryldy. Saıran kóli mańyndaǵy turǵyn úı aýdany, jylynýǵa bolatyn tamaqtandyrý oryndary, qaraýsyz qalǵan aýmaqtar, basqa da jerler tekserildi. Saǵat 21:25 shamasynda baldyrǵan tabyldy.
Patrýldik ekıpajdyń ınspektory Erjan Amanboldyń sózinshe, bala «Káýsar» turǵyn úı kesheniniń aýlasynda júrgen.
«Turǵyn úılerdiń aýlalary men oıyn alańdary nazardan tys qalmady. «Káýsar» turǵyn úı kesheniniń aýlasyna kirdik. Aýla ortasynda bir bala turdy. Ol abdyrap, týystaryn nemese úıin izdegendeı boldy. Biraq jylamaǵan. Sol kúni keshke óte sýyq edi. Eń aldymen, biz ony jylytyp, jaqyn mańdaǵy dúkennen tiskebasar satyp áperdik. Keıin ákesine apardyq. Kópshil bala eken. Sondyqtan bolar, ákesi basqa jaqqa alańdap turǵanda, serýendep kelýge ketken. Eń bastysy, Ámir aman-esen tabyldy jáne qazir otbasymen birge», – dedi ErjanAmanbol.
