Almatyda jiti ishek ınfektsııasymen 14 jasqa deıingi balalar kóp aýyrady
ALMATY. QazAqparat – Almatyda jiti ishek ınfektsııasymen aýyrǵandar sany ótken jylmen salystyrǵanda azaıǵan. Bul týraly Densaýlyq saqtaý mınıstrligi Sanıtarııalyq-epıdemıologııalyq baqylaý komıtetiniń baspasóz qyzmeti málim etti, dep habarlaıdy QazAqparat tilshisi.
Vedomstvonyń málimetinshe, bıylǵy 11 aıda Almatyda 100 myń turǵynǵa shaqqanda JІI syrqattanýshylyq kórsetkishi 14,63-ti qurady. Sondaı-aq 2021 jyldyń osy kezeńimen salystyrǵanda aýrýshańdyq 30,92 %-ǵa tómendegen.
«14 jasqa deıingi balalardyń úles salmaǵy - 78,3 %. Bul ótken jyldyń sáıkes kezeńimen salystyrǵanda 1,7 ese tómen. Áleýmettik-kásibı toptar boıynsha JІI-dy eń kóp juqtyrǵandar - balalar (73,2 %)», - delinedi vedomstvo habarlamasynda.
Budan bólek, JІI-di juqtyrǵandar arasynda 2 jasqa deıingi balalar jıi kezdesedi. Olardyń úlesi - 64,2 %. Buǵan sebep - analardyń jeke gıgıenany saqtamaýy, daıyndaý tehnologııasy men saqtaý erejelerin buza otyryp, úıde daıyndalǵan ónimderdi, jýylmaǵan kókónister men jemisterdi paıdalanýy boldy.
«Jiti ishek ınfektsııasy (JІI) - fekaldi-oraldy mehanızmmen beriletin, júrek aınýymen, qusýmen, ishtiń ótýimen, dene qyzýynyń kóterilýimen sıpattalatyn ınfektsııalar toby. Infektsııa kóbinese zalaldanǵan tamaq ónimderi men olardan daıyndalǵan taǵamdar, jartylaı fabrıkattar, sý, sondaı-aq kókónister men jemister arqyly túsedi. Jiti ishek ınfektsııasynyń belgileri paıda bolǵan jaǵdaıda ózin-ózi emdeýge bolmaıdy, der kezinde medıtsınalyq kómekke júginý kerek», - dep eskertti Sanıtarııalyq-epıdemıologııalyq baqylaý komıtetinde.
