Almatyda jiti ishek ınfektsııasymen 1,5 myń adam aýyrdy
ALMATY. QazAqparat - Osy jyldyń sáýir aıynan bastap Almaty qalalyq klınıkalyq juqpaly aýrýlar aýrýhanasyna ishek ınfektsııasy belgileri bar bir jarym myńǵa jýyq adam júgingen, onyń 854-i aýrýhanaǵa jatqyzyldy, dep habarlaıdy QazAqparat tilshisi.
I.S.Jekenov atyndaǵy qalalyq klınıkalyq juqpaly aýrýlar aýrýhanasynyń ınfektsııalyq bólimshesiniń meńgerýshisi, ınfektsıonıst dáriger Meerım Evseevanyń aıtýynsha, álemde jiti ishek ınfektsııalary aýrýlaryn juqtyrý ekinshi orynda tur.
«Іshek ınfektsııalarymen baılanysty aýrýlar jazda kúsheıe túsedi. Jyly jáne ylǵaldy aýa raıy ınfektsııa qozdyrǵyshtarynyń kóbeıýine barlyq qolaıly jaǵdaı jasaıdy. Sáýir aıynan bastap Almaty qalalyq klınıkalyq juqpaly aýrýlar aýrýhanasyna ishek ınfektsııasy belgileri bar bir jarym myńǵa jýyq adam júgingen, onyń 854-i aýrýhanaǵa jatqyzyldy»,- dedi ol.
Dárigerdiń sózinshe, bıyl Qazaqstanda jiti ishek ınfektsııalarymen syrqattanýshylyq 36,7% - ǵa ósken.
Sonymen birge, maman shetelde demalý kezinde tek bótelkedegi sýdy paıdalanýdy, qoldy únemi jýýdy jáne ekzotıkalyq jemisterdi aldyn ala óńdeýsiz tutynbaýdy usynady.
«Óıtkeni, tyrysqaqtyń barlyq tirkelgen jaǵdaılary ózge elderden kelgen. Asa qaýipti ınfektsııamen syrqattaný 30 elde tirkelgen, onyń ishinde Úndistan, Túrkııa, Qytaı, Fılıppın, tanymal jáne týrıster jaqsy kóretin oryndar» - dedi ol.
