Almatyda jıhaz jasaıtyn tseh pen avtobólshek qoımasy órtendi
ALMATY. QazAqparat – Almatyda jıhaz tsehy men avtokólik bólshekteriniń qoımasynan órt shyqty, dep habarlaıdy QazAqparat tilshisi.
Almaty qalalyq tótenshe jaǵdaılar departamenti baspasóz qyzmetiniń málimetinshe, búgin túski saǵat 13:55 shamasynda órt sóndirý kólikteri Áýezov aýdany Ótegen batyr kóshesi, 15A mekenjaıynan shyqqan órtke attanǵan.
Alǵashqy órt sóndirýshiler oqıǵa ornyna 4 mınýtta jetti. Olar kelgende eki qabatty ǵımarattyń birinshi qabatynda avtobólshekter men sóreler ornalasqan boks órtenip jatqan.
«Órt shyqqan ǵımarat ishinde qoıý tútin paıda boldy. Gaz-tútinnen qorǵaý qyzmeti jylý túsirgishtiń kómegimen órt oshaǵyn anyqtaý úshin barlaý júrgizdi» dep habarlady departamentten.
Shuǵyl qabyldanǵan sharalardyń arqasynda órt 25 mınýttyń ishinde aýyzdyqtalyp, saǵat 14:42 kezinde tolyq sóndirildi.
Tilsiz jaýdyń ǵımarattyń ekinshi qabatyndaǵy jıhaz tsehy men avtokólik bólshekteri bar qoımalarǵa taralýyna jol berilmedi.
Zardap shekkender joq.
