Almatyda jıhaz sheberhanasy órtenip jatyr
ALMATY. QazAqparat- Almatyda jıhaz jasaıtyn tsehtan órt shyqty, dep habarlaıdy QazAqparat tilshisi.
«Jetisý aýdany, Ratýshnyı kóshesinde ornalasqan sheberhana órtenip jatyr. Oqıǵa ornynda órt sóndirý brıgadasy jumys isteýde. Qyzyl jalynyń jaqyn jerde ornalasqan óndiristik tsehqa taralý qaýpi týyndaýda. Órtti sóndirý úshin 20 tehnıka men 60 adam jumyldyryldy»,- dedi Almaty TJD.
Qara tútin qalanyń ár jerlerinen kórinedi. Órttiń shyǵý sebepteri men aýmaǵy anyqtalýda.
