Almatyda «Jibek jolyndaǵy áńgimeler» jobasy bastaldy
Osy oqıǵaǵa arnalǵan brıfıngke Qazaqstannyń belgili tulǵalary, halyqaralyq sarapshylar, Reseı, Qyrǵyzstan, Ózbekstan, Tájikstannan kelgen jetekshi ǵalymdar, QHA men etnomádenı birlestikter músheleri qatysty.
«Joba nátıjesi boıynsha biz kóptegen qyzyqty kitaptar shyǵarýdy josparlap otyrmyz. Bul «Jibek jolyndaǵy áńgimeler» serpindi damyp kele jatqanyn kórsetedi. Murat Áýezovtiń ıdeıalyq shabytynyń arqasynda joba jyl sanap jańa mazmunmen tolyǵýda», - dep atap ótti QR Prezıdentiniń janyndaǵy «Qoǵamdyq kelisim» dırektory Natalıa Kalashnıkova.
Erteń, 24 qyrkúıekte qatysýshylar Taldyqorǵanǵa keledi. Onda «Ortalyq Azııa: óńir halyqtarynyń nıettestigi men kelisimi» atty jobanyń plenarlyq otyrysy ótedi.
«Jibek jolyndaǵy áńgimeler» 2007 jyldan bastap jyl saıyn Ortalyq Azııa óńiri elderiniń qatysýymen ótkizilip turady.
Joba maqsaty - Ortalyq Azııa óńirleriniń elderi men halyqtary arasyndaǵy jan-jaqty baılanystardy nyǵaıtýǵa, mádenıetaralyq dıalogty damytý kontekstinde jalpy mádenı jáne jalpy tarıhı qundylyqtardy saqtaýǵa yqpal etý.
«Jibek jolyndaǵy áńgimeler» sharasyn Qazaqstanda ǵana emes, Ortalyq Azııanyń basqa da elderinde ótkizý armanymyz aqyryndap júzege asa bastady. Taıaý kúnderi Osh qalasynda zııatkerler forýmy ótti, onda Jibek joly máseleleri kóterildi», - dedi mádenıettanýshy, qoǵam qaıratkeri Murat Áýezov.
Brıfıng aıaqtalǵannan keıin joba qatysýshylary Almaty oblysy Kerbulaq aýdanyna jol tartty. Odan ári Shoqan Ýálıhanov eskertkishine gúl shoqtaryn qoıý, Uly Jibek joly marshrýtynyń baǵytymen tanysyp, Shyńǵyshan tóbesine barý josparlanyp otyr.
