Almatyda «Jibek joly» ortalyqazııalyq kórme-jármeńkesi ótedi

«Baqyt» sándik-qoldanbaly óner ortalyǵy men QR Memlekettik ortalyq murajaıynyń uıymdastyrýymen ótetin sharaǵa óz elimizben qatar, Ózbekstan, Qyrǵyzstan, Túrikmenstan jáne Reseıden keletin qolóner sheberleri qatysady. Olar kórme-jármeńkege ózderi jasaǵan eń úzdik qolóner buıymdaryn usynatyn bolady. Atap aıtqanda, kórme - jármeńkege kıimder, zergerlik buıymdar, qysh buıymdar, mýzykalyq aspaptar, shyǵys mınıatıýrasy, teri buıymdary, kıizden, jibekten jasalǵan kóptegen zattar qoıylatyn bolady.

Sharaǵa kelýshiler shyǵarmashylyq ónerdi tamashalap qane qoımaı, zergerlik óner boıynsha sheberlik-synyptarǵa qatysa alady. Ony Qazaqstannyń sýretshi-zergeri Serjan Bashırov ótkizedi.

Uly Jibek joly, iri saýda joly retinde bizdiń zamanymyzǵa deıingi ІІІ ǵasyrda ashylyp, bizdiń zamanymyzdyń XVI ǵasyryna deıin órken jaıdy. Kerýen júıesi ártúrli halyqtardyń, memleketterdiń saýda jáne mádenı qatynastaryn damytyp, baılanystyratyn jol retinde qyzmet etti. Ǵasyrlar boıy ártúrli tilde sóıleıtin bazarlar dúnıege kelip, júzdegen jyldar boıy shańdy kerýen joldarymen baǵaly jibekter jáne tastar, dámdeýish jáne boıaýlar, altyn jáne kúmis, ekzotıkalyq qustar jáne ańdardy eýropalyqtarǵa satýǵa tasydy. Jibek jolynyń mańyzdy bóligi Ortalyq Azııa jáne Qazaqstan aýmaǵymen ótken bolatyn.