Almatyda «Jibek joly - Qytaıdyń jibek óneri» atty kórme ashyldy

dep habarlaıdy QazAqparat.

Qytaı jibek murajaıy (QHR, Hanchjoý q.) men Almatydaǵy QHR-nyń Bas konsýldyǵynyń jáne A.Qasteev atyndaǵy Memlekettik óner murajaıynyń uıymdastyrýymen ótip jatqan kórmege 145 eksponat, ár dáýirde jasalynǵan jibek buıymdar, jibekten tigilgen búgingi zamanǵy kıimder, jibek mata toqıtyn stanoktar, jibek qurtyn ósirýge arnalǵan qural- jabdyqtardyń maketteri, baǵaly tarıhı qoljazbalar qoıylǵan.

«Biz qazaqstandyqtar jibektiń Otany sanalatynyn Qytaı eliniń ónerimen, dástúrimen tanyssa deımiz. Búgingi kórmege Jibek joly ýaqytyndaǵy Qytaı men Qazaqstan halyqtary arasyndaǵy dostyq qarym-qatynas pen tyǵyz saýda baılanysy bolǵandyǵyn aıqyndaıtyn asa qundy qujattar qoıyldy. Qazir de sol dástúr buzylmaı, dostyq qarym-qatynasymyz jalǵasyp keledi. Búginde eki el arasyndaǵy saýda -baılanys ta jaqsy damýda. Ótken jyly taýar aınalymy Álemdik daǵdarysqa qaramastan, 10 mıllıard dollardan asty. Bıylǵy jyly bul kórsetkish odan ári óse túsedi dep oılaımyn. Mádenıet salasynda, biz bıyl da birqatar is -sharalardy uıymdastyrýdy josparlap otyrmyz. Bul kórme eki el halyqtary arasyndaǵy ózara túsinistikke yqpal etedi degen senimdemin», dedi QHR-nyń Bas konsýly Sýn Lınzıan. Onyń aıtýynsha, «jibek» kórmesi alǵash ret uıymdastyrylyp otyr.

Kórme sáýir aıynyń 15-ne deıin jalǵasady.