Almatyda jezókshelikpen aınalysqan 500-ge jýyq áıel anyqtaldy

ALMATY. QazAqparat - Almatyda ıntımdik qyzmet kórsetýge arnalǵan 15 prıton joıyldy, dep habarlaıdy QazAqparat tilshisi Polisia.kz saıtyna silteme jasap.

Almaty qalalyq Polıtsııa departamentiniń málimetinshe, demalys kúni reıd júrgizý barysynda jezóksheler mekeni Tynyshbaev kóshesindegi páterlerdiń birinen anyqtaldy.

«Jyl basynan beri osyndaı 15 oryn anyqtaldy, al olardyń ıeleri bile tura jezókshelikpen aınalysýǵa orynjaıdy usynǵany úshin jaýapqa tartyldy. Sondaı-aq, ıntım qyzmet kórsetken 484 áıelge ákimshilik shara qoldanyldy. Kópshiligi qıyn jaǵdaıyna baılanysty jezókshelikpen aınalysýǵa májbúr bolǵanyn aıtty», - deıdi Túrksib aýdandyq polıtsııa basqarmasynyń bastyǵy Erkin Amantaev.

Polıtsııa ókiliniń aıtýynsha, quqyq buzýshylar arasynda Qazaqstan Respýblıkasynyń kóshi-qon zańnamasyn buzǵan shetel azamattary jıi kezdesedi.

Olar sot sheshimine sáıkes elden shyǵarylady.