Almatyda jezókshelerdi saýna men qonaqúılerge aparatyn jeńgetaılar ustaldy
Almaty qalalyq Polıtsııa departamentiniń málimetinshe, kúdiktiler tizim jasap, qyzdardy kezek boıynsha saýna men qonaqúılerge aparyp otyrǵan.
Osylaısha, ár klıentten paıyzdyq úlesin alǵan. Qylmystyq bızneske qatysqandardyń bári ustalyp, jaýap alyndy.
Qalalyq Polıtsııa departamenti bastyǵynyń orynbasary Berik Ádilbekovtiń aıtýynsha, negizgi aıyptalýshy – 33 jastaǵy qala turǵyny. Ol qyzdardyń baratyn jerin uıymdastyrǵan jáne sol qyzmeti úshin jezóksheler oǵan 10 myń teńgeden tólegen.
Monsha kesheniniń ákimshisi bolyp jumys isteıtin 31 jastaǵy áıel de ustaldy. Qyzdar oǵan 12 myń teńge kóleminde aqsha tólep kelgen. Onyń is-áreketinde de jeńgetaılyq belgileri bar dep tanyldy. Jalpy 21 men 24 jas aralyǵyndaǵy qyzdar bir klıentten 18 myń teńgeni ózine qaldyryp otyrǵan.
«Atalǵan derek QR QK-niń 309-baby 2-bóligi boıynsha sotqa deıingi tergep-tekserý kezinde materıaldarǵa qosa tirkelgen dáleldemeler bazasymen tirkeledi. Qylmystyq iske júrgizýshiler de qatysqan, olardyń mindetterine qyzdardy «jumys ornyna» jetkizý kirgen. Qazirgi ýaqytta M. esimdi er adam Almaty qalalyq PD ýaqytsha ustaý ızolıatoryna qamaldy. Іs boıynsha basqa aıyptalýshylarǵa qatysty bultartpaý sharasyn tańdaý máselesi qaralyp jatyr», - dedi Almaty qalalyq PD bastyǵynyń orynbasary Berik Ábilbekov.