Almatyda jezókshelerdi óltirýmen aınalysqan azamat ustaldy
ASTANA. 21 qyrkúıek. QazAqparat /Aıdar Ospanalıev/ - Almatylyq polıtseıler jezókshelikpen aınalysyp júrgen áıelderdi óltirip ketip júrgen azamatty quryqtady. Bul týraly búgin jýrnalıstermen bolǵan brıfıngte Іshki ister mınıstrligi Memlekettik til jáne aqparat departamentiniń basshysy Nurdildá Oraz málim etti.
Onyń aıtýynsha, ustalǵan azamat Jambyl oblysynyń túzeý mekemesinde jazasyn ótep jatqan. Tártip saqshylary onyń 2005 jyldyń naýryz-sáýir aılary aralyǵynda jezókshelikpen kún kórip júrgen áıelderdi óltirgendigin dáleldedi. «Ustalǵan azamat óziniń «jeńgetaılyq» kómegi úshin aqy tóleýden bas tartqan 24 jastaǵy qyzdy qala shetindegi saıajaılardyń birine aparyp, uryp-soǵyp óltirgen de máıitti sondaǵy shuńqyrlardyń birine laqtyryp jibergen. Keıinirek máıittiń qańqasy tabylyp, istiń ashylýyna negiz boldy. Osy jyldyń sáýir aıynda ol taǵy bir qyzdy Almaty oblysynyń Jetigen aýylynyń shetine aparyp, tonap, basyn kesip, máıitin Úlken Almaty ózenine laqtyryp jibergen. Qazirgi tańda osy faktiler boıynsha tergeý amaldary júrgizilýde»,-dedi departament bastyǵy.
